ليه تمشي بفلوس لما ممكن تنام فى آمان

فيه ناس كتير مش بتحب تتعامل مع البنوك من منطلق انها حرام أو إنها بتفرض مصروفات عالية لما تاخد قرض أو تحد وديعة، بغض النظر عن أى سبب لكن الفلوس فى البنك آمان جدا.

وياسيدي لو خايف من حكاية انها حرام خلاص افتح بيهم حساب جاري وماتاخدش فايدة على الحساب والبنك هيديك ميزة كمان انك تقدر تستخدم كارت الكتروني تسحب بيه فى أى وقت ومن اى ماكنة منتشرة فى مصر، يبقى انت كده حققت المعادلة بعدت عن الحرام وفى نفس الوقت بقيت فى آمان بدل ما يستهدفك مجموعة من اللصوص وانت خارج من البنك ويستولوا على اموالك.
نيجي بقى لحكاية المصروفات، لو قلقاك حكاية ارتفاع المصروفات فأنت تقدر تدور على بنك يكون بيفرض رسوم تشغيل أقل على الحسابات لكن صعب أنك تلاقى بنك مش بيفرض رسوم سنوية على الحسابات لانه بيقدملك خدمة الاحتفاظ بالفلوس وامانها وكمان البنك المركزي بيضمن للناس الفلوس دى، فخليك مطمن وروح افتح حساب واستفيد بالخدمات اللى بتقدمها البنوك.
هتقولى خدمات ايه مفيش حاجة زى دى؟؟؟
هقولك لا فيه خدمات جديدة بتقدمها البنوك زى تحويل الفلوس لو ليك قريب بره مصر بدل ما تبعت الفلوس مع حد من زمايلك بتبعتها من خلال البنك، مش بس كده كمان انك تقدر تدفع من خلال موبايلك من اى مكان انت فيه
ولو قلقان من حكاية سعر الفائدة على القروض خلاص ما تاخدش قروض خالص
شوف اللينك ده 
http://www.youm7.com/story/2014/12/30/%D8%A3%D8%B3%D8%B1%D8%A9-%D8%B6%D8%AD%D9%8A%D8%A9-%D8%AD%D8%A7%D8%AF%D8%AB-%D8%A7%D9%84%D8%B9%D8%A8%D9%88%D8%B1-%D8%AA%D8%B7%D8%A7%D9%84%D8%A8-%D8%A8%D8%B3%D8%B1%D8%B9%D8%A9-%D8%B6%D8%A8%D8%B7-%D8%A7%D9%84%D8%AC%D9%86%D8%A7%D8%A9-%D8%B4%D9%82%D9%8A%D9%82-%D8%A7%D9%84%D9%82%D8%AA%D9%8A%D9%84-%D9%88%D8%A7%D9%84/2008203#.VKIs6F4AKA

ايه رأيك بقى